نكت مضحكة جدا 2018 خاصة بالأزواج والبخلاء والسياسة ترفع روحك المعنوية

نكت مضحكة يبرع المصريون في تأليفها بشكل يومي مستوحاة من واقع الحياة اليومية التي نعيشها، فمن المعروف دائمًا أن الشعب المصري يتميز بأنه ابن نكتة وخفيف الظل يطلق نكت مضحكة ليس في أوقات الفرح فقط إنما كذلك في أوقات الأزمات، فالمصريين بارعون بشكل مذهل في تأليف نكت مضحكة حتى من أكثر المواقف بساطة حتى لو كانت تدعو للحزن أو تعبر عن معاناة أو تعرض مشكلة، ويطلقون بشكل دوري نكت مضحكة تناقش أوضاعهم الراهنة بكل ما تحمله من مساوئ، ويأخذون كل شيء بروح الفكاهة والضحك حتى لا تزداد الأوضاع سوء، حتى أن الكثيرين يرددون عبارة “هم يبكى وهم يضحك”،  وفي السطور التالية نعرض لكم نكت مضحكة خاصة بالأزواج والبخلاء، ونكت مضحكة في مجال السياسة، ونكت مضحكة موضة عام 2017.

نكت مضحكة جدا للمتزوجين

•  واحد صعيدي

مرة واحد صعيدي راح بيت مشبوه لقى مراته هناك قال الحمد لله مكتوب لى الحلال!!

•  فزت بـ 10000 صوت

مرة واحد حب يصارح مراته فقال لها أنا خنتك 3 مرات مع الخدامة علشان تاخذ بالها من البيت، وصاحبتك علشان ما تزعلش منك، وجارتنا علشان تاخذ بالها من البيت و إحنا مسافرين.

فقالت الزوجة: وأنا خنتك 3 مرات، فاكر يوم ما كان علينا دين و جيه صاحب المعرض وسامحنا؟ أنا السبب، وفاكر يوم ما حجز صاحب العمارة على الشقة؟ و بعدين سامحنا، وفاكر يوم ما رشحت نفسك في الانتخابات؟ وفزت ب 10000 صوت؟ أنا السبب!!!!!!!!!

• ماذا تريد المرأة

واحد كتب في جوجل: ماذا تريد المرأة؟! رد عليه جوجل: ربنا معاك إحنا كمان عمالين نبحث معاك!!

• شايفني ماكدونالدز

واحدة قالت لجوزها قوم رتب الحديقة، قال لها: شايفاني مزارع، قالت: قوم صلح الحنفية، قال: شايفاني سباك، قالت: قوم صلح أيد الباب، قال: شايفاني نجار، طلع الزوج برا البيت ورجع لقى الحديقة مترتبة والحنفية تمام وإيد الباب متركبة! قال: مين عمل كل ده؟ قالت: ابن الجيران شافني بالحديقة وقال لي عايزة مساعدة؟! قولت له: أيوة، قال: بس بشرط يا تبوسيني أو تعمليلي همبورجر!!! انصدم الزوج وقال أكيد عملتي همبورجر..صح ؟ قالت له: شايفني ماكدونالدز؟؟؟

• مراتي بتخوني

واحد بلديتنا رجع بيته لقى مراته فى السرير مع اتنين .. صرخ وهاج مراتى بتخونى .. بسرعة رد عليه شاب منهم إحنا الكاميرا الخفية لو مش عايز تذيع قول ما تذيعشى .. رد بلديتنا لأ ذيع خللى الناس تنبسط!!! هاهاهاها.

• عيب عليك

واحد بيقول لجاره: يا أخي عيب عليك امبارح عمال تبوس مراتك في البلكونة! قام رد عليه وقاله: لا والله ما أنا؟!؟!

• أسماء المسلسلات

أسماء المسلسلات .. صبايا، بنات الجامعة، بنات الثانوية، بنات العيلة، حكايات بنات، المسلسل الوحيد اللي بإسم الأولاد كان اسمه “أولاد الشوارع ” هاهاهاهاها.

نكات مضحكة موت سياسية

• بيقولوا للريس قبل الانتخابات “إنت مش هاتودع الشعب ولا أيه؟ قاللهم ليه هو الشعب رايح فين؟!
• مرة دكتور أمراض عقلية بيكشف على مخ مريض فطلع المخ وحاطه في الصينية عقبال ما يكشف على الجمجمة راحت القطة أكلت المخ فالدكتور محتار يحط بدل المخ إيه راح جايب جوز جزمة وحطها فى الجمجمة وقفل على كدة، بعد سنتين واحد بيسأله بيقوله إيه أخبار المريض بتاع الجزمة قاله أسكت عقبالك دا باين عليه بقى وزير في الحكومة.
• مرة ضابط مصري وضابط إسرائيلي دار بينهم الحوارده، الإسرائيلي: إلا قوللي يا أنتم بتاكلوا ايه ع الفطار؟؟ المصري: فول بالزيت، الإسرائيلي: طب بتاكلوا إيه ع الغدا؟؟؟ المصري: فول بالطماطم، الإسرائيلي: أمال بتاكلوا إيه بقى ع العشا؟؟ المصري: فول بالبيض، الإسرائيلي بتريقة: أمال إيه الفرق بينكم وبين البهايم؟؟ المصري: سيناء.
• بلدياتنا نجح في انتخابات مجلس الشعب, ففي أول جلسة قاعد جنب واحد أفندى فالأفندى عزم عليه بسيجارة مارلبورو, وبعد شوية بيسألوا إيه رأيك في الديمقراطية ياحاج؟؟.. فرد الحاج: والله أحسن من الكيلوبترا.

نكت مضحكة جدا 2017

•  في دراسة بتقول أن المشي لوحدك بليل بيحسن المزاج بنسبة 90% ودراسة مصرية بتقول لو عملت كدة مش هترجع بالموبايل والمحفظة.
•  مرة ديك وفرخة دخلو سوبر ماركت يشتروا بيض سألهم البياع إنتوا ليه مش بتبيضوا اتكسفت الفرخة وقالت له بصوت واطي أصلنا مخطوبين.
• مرة سائحة أمريكية دخلت إلى أحد محلات الخضار في مصر وبصت للطماطم وقالت للخضرواتي: ما هذا؟، فقال: طماطم، السائحة: ليه الطماطم بتاعتكم صغيرة إحنا الطماطم عندنا في أمريكا كبيرة جدًا والله إنتوا مش بتعرفوا تزرعوا، ثم بصت للخيار وقالت: ما هذا؟ فجاوب البياع وهو مخنوق: خيار، السائحة: إيه إيه خيار؟؟ وليه بتزرعوه صغير والله إنتوا مش بتعرفوا الزراعة ولا عمركم سمعتوا عنها، بصت للبطيخ وقالت: ما هذا؟ اتعصب الراجل وقال عنب فرط!!!
•  واحد مسطول فاق الصبح وعاوز يكوي قميصه، قال لنفسه لازم استلف المكواة من الست جارتنا، قام نزل أول درجة وقال بينه وبين نفسه دلوقتي هتقولي خلي بالك منها، نزل تاني درجة وقال لنفسه: هتقولي متأخرهاش، نزل تالت درجة وقال: هتقولي مكواة يابانية وأوعى تكسرها، قام نزل خبط الباب ولما فتحت له قالها طظ فيكي وفي مكوتك!!!!!!!!!!!!!!!!!!
• مرة أم لقيت أحمر الشفايف بتاعها مكسور فغضبت وضربت بنتها الصغيرة لأن أيدها ملطخة بيه، وبعدين خرجت لقيت أن بنتها رسمت قلب على الباب وكتبت جنبه “بحبك يا ماما”، فدمعت عين الأم ورجعت لبنتها تاني وضربتها لأنها كتبت على الباب.

نكت مضحكة عن البخلاء

1. مرة واحد بخيل بياكل فستق قالتله مراته هات حبة اداها حبة وأكلتها قالتله كمان حبة قالها لا والله كلهم نفس الطعم.
2. مرة واحد ﺑﺨﻴﻞ خطب ﺑﻨﺖ ﺑﺨيلة ﻭﻣﺘﻔﻘﻴﻦ إﻧﻪ لما يجيلها ﻳﺼﻔﺮ عليها ﻓﺘﻨﺰﻝ ﻭﻳﺨﺮﺟﻮﺍ ﻣﻊ ﺑﻌﺾ. ﻣﺮﺓ ﻗﺎﻟﺖ ﻟﻪ ﺑﻼﺵ ﺗﺼﻔﺮ تاني ﻋﺸﺎﻥ ﺍﻟﺠﻴﺮﺍﻥ ﻋﺮﻓﻮﺍ ﺣﻜﺎﻳﺔ الصفيرة. ﻟﻜﻦ ﺇﺫﺍ ﺟﻴﺖ وعايزني أنزل اﺭﻣﻲ ﺷﻠﻦ على اﻟﺒﻠﻜﻮﻧﺔ ﻭﺃﻧﺎ اسمع ﺭﻧﺘﻪ ﻭﺄﻧﺰﻟﻚ على طول! ﺍﻟﺸاﺐ ﺟيه ﺗﺤﺖ ﺍﻟﺒﻠﻜﻮﻧﺔ ﻭﺭﻣﻰ ﺍﻟﺸﻠﻦ، ﺳﺎﻋﺔ ﺳﺎﻋﺘﻴﻦ ﺛﻼﺛﺔ ﻭﺍﻟﺒﻨﺖ ﻣﻧﺰﻟﺖش !! ﻧﺎﺩﺍﻫﺎ وقالها في إيه ﻣﺎﻧﺰﻟتيش ليه ﺭﺩﺕ ﻋﻠﻴﻪ قالت له ﺑﺪﻭّﺭ على ﺍﻟﺸﻠﻦ! ﺭﺩ ﻋﻠﻴﻬﺎ: ﺍﻧﺰﻟﻲ ﺧﻠﺼﻴﻨﺎ، ﺍﻟﺸﻠﻦ ﻛﻨﺖ ﺭﺍﺑﻄﻪ ﺑﺨﻴﻂ.
3. واحدة بخيلة قالت لابنها  يا محمد روح اشتري 3 أرغفة، واحد ليا وواحد لوالدك وواحد ليك، وبعد ما راح الولد عشان يشتري العيش طلعت الأم من البلكونة وقالت: يا محمد رجع الرغيف التالث أبوك مات.
4. واحد بخيل بيقول لصاحبه حظي وحش، فقاله صاحبه ليه كدة، رد البخيل: الصيدلية اللي جمبنا عاملة تخفيضات بس للأسف مفيش حد عندنا تعبان!!
5. واحد بخيل راح يشتري خروف ووداه عند الجزار وقاله سيبلي نص الخروف والنص التاني قطعه كباب، والراس أسلخها أعمل عليها شوربة، والرجلين نظفها أعملها كوارع، والجلد متاخدوش هعمل منه سجادة صلاة، والفضلات هخليها سماد للشجرة والعضم هحطه للكلب، طلع عليه الخروف وقال له: ما تسجل صوتي عشان تعمله رنة لتليفونك يا روح أمك!!!

بالفيديو قصص مضحكة جدا جدا جدا

هناك العديد من القصص المضحكة الاخرى يمكن ان تجدها في الموقع.